Tips nyuburkeun buuk – Megha Permata S

Lancarkeun aliran darah dina mastaka.
1. kanggo ngarangsang tumbuhna buuk cobaan anjeun lancarkeun aliran darah dina mastaka supados asupan nutrisi jadi leuwih loba ka daerah buuk.
2. Cobaan anjeun mencetan daerah kuliit mastaka anjeung ku jari anjeun unggal poe. kerjakeun ieu pas buuk anjeun baseuh keneh atawa dinu kaayaan garing.
3. Saena sateu acan kulem, tundukkeun mastaka jeung sikat buuk anjeun lalaunan mulai ti akar neupikeun ujung buuk.

Leungitkeun ujung buuk anu rusak.
1. Ujung-ujung buuk anu rusak (anu garing atawa pecah-pecah) bisa ngarembet ka batang buuk jeung nyebabkeun batang buuk ngilu rusak mun teu dirawat. Akibatna sakabeh buuk bisa leuwih gancang rusakna kaasup buuk nu anyar tumbuh.
2. Mun ka salon,sebutkeun ka panata buuk anjeun yen anjeun hayang manjangkeun buuk ngarah panata buuk eta ngan motong ujung-ujung buuk nu pecah-pecahna hungkul. Biasana panata buuk eta bakal motong dinu kaayaan garing kusabab hese pisan mun ngadeteksi ujung buuk nu pecah dina kaayaan baseuh.

Manjakeun buuk anjeun.
1. Buuk panjang nyaeta buuk anu  kolot jeung leuwih gancang rapuh, jadi anjeun kudu merlakukeun kucara hati-hati. Pilih shampo anu ngandung pelembab jeung lembut. Lamun ngagunakeun hairdryer, catok jeung sajabana. gunakeun kondisoner jeung serum sarengsena kuramas jeung tong dibilas deui.

2. Hal ieu manfaat pikeun ngalindungan buuk tinu suhu panas. Saminggu sakali gunakeun masker khusus buuk. Salian ti eta, tilik cara anjeun nata buuk. Tong pageuh teuing mengkeut buuk ka tukang. Sabab bisa nyebabkeun buuk gancang rontok.

Diajar Maca – Karina Septiani Nurindah

Basa kuring asup ka kelas hiji Sakola Rayat (ayeuna mah Sakola Dasar), dina pangajaran maca, ngagunakeun buku Diajar Maca (mun henteu salah kitu judulna). Poho deui saha nu ngarangna. Ngan dina éta buku, murid anu kakara diajar maca cara kuring, diajar ngéjah. D-i d-i … Didi; Y-o y-o …. Yoyo ….. W-i w-i ….. Wiwi jeung saterusna. Murid diwanohkeun heula kana aksara, boh anu aya soraan (vokal), boh anu henteu aya soraan (konsonan). Ngan ku lantaran euweuh soraan, aksara lambang konsonan mah sok ditambahan ku “e” heulaeunana. Jadi “Ed-i .. di, Ew-i …. wi, En-a …. na” jeung saterusna.

Ngajar maca cara kitu téh disebut diajar ngéjah. Ku sabab jumlah aksara Rum anu dina basa Sunda disebut aksara Latén téh ngan ukur sawatara likur, atuh méméh anggeus kelas hiji ogé murid téh kabéhanana geus apaleun kana sakabéh aksara. Lamun budak geus apaleun kana sakabéh aksara, hartina manéhna baris bisaeun maca naon baé, pangpangna anu dina basa Sunda atawa dina basa séjén anu sistim éjahanana henteu béda, cara upamana basa Indonésia.

Tapi dina taun 1960-an, para sarjana anu kakara mulang diajar di nagara Kanguru dina raraga Rencana Kolombo nganggap yén sistim ngéjah téh tinggaleun jaman. Anu dianggap bener mah anu disebut “sistim global”. Ari dasar falsafahna nyaéta ku lantaran urang dina waktu nénjo kecap téh henteu saaksara-saaksara tapi sagemblengna, cara ari urang ningal karéta api henteu sagerbong-sagerbong, tapi saruntuyanana. “Sistim global” téh digunakeun di nagara-nagara nu ngagunakeun basa Inggris, sabab dina basa Ingris mah aksara téh henteu salilana sarua diunikeunana, upamana aksara “u” henteu salilana diunikeun “u”, lamun mandiri dibaca “yu”, tapi lamun di antara dua konsonan sakapeung dibacana “a” cara dina “but”, tapi sakapeung “u” cara dina “put”. Kitu deui aksara “i”, lamun mandiri dibaca “ai”, tapi lamun bareng jeung aksara séjén, béda-béda ngunikeunana, sakapeung dibaca “ai” cara “time” dibaca “taim”, tapi sakapeung dibaca “i” cara dina “bit”. Aksara “a” sakapeung dibaca “éi” cara dina “take”, tapi sakapeung dibaca “a” cara dina kecap “answer”. Aksara “o” biasana dibaca “o” cara dina kecap “long”, tapi lamun aya dua sakapeung dibaca “a” cara dina “blood”, tapi sakapeung “o” baé ngan rada panjang cara dina “door”. Sakapeung deui “o” téh dibaca “wa” cara dina “once”. Cindekna sora unggal aksara dina basa Inggris mah henteu angger, béda jeung dina basa Sunda anu salilana angger. Aksara “a” diunikeun “a” sanajan di mana baé diperenahkeunana, jeung dihijikeun jeung aksara naon baé gé. Kitu deui aksara “u”, “i”, “o”, “é”, “e”, “eu” tara robah unina naha mandiri, naha saheulaeun atawa sapandeurieun konsonan, atawa di antara dua konsonan, angger baé.

Kitu deui aksara konsonan dina basa Sunda mah angger diunikeunana di mana baé tempatna. Béda jeung dina basa Inggris, apan konsonan “g” sakapeung dibaca “g” cara dina kecap “egg”, sakapeung dibaca “j” cara dina kecap “logic”. Kitu deui konsonan rangkep “gh” (sakapeung diunikeun “g” cara dina “ghost”, sakapeung “h” cara dina “though”, sakapeung “k” cara dina “lough”), “t” (sakapeung “t” cara dina “hit”, sakapeung “c” cara dina “tulip”) jeung réa-réa deui.

Ku lantaran kitu dina pangajaran maca di nagara-nagara nu ngagunakeun basa Inggris aya mataajaran anu disebut “spelling”, nyaéta nu ngajarkeun kumaha nuliskeunana saban kecap. Sabab dina hakékatna basa Inggris mah sarua jeung basa Cina, apan Kanji gé saban kecap téh dilambangkeun ku aksara nu cara nulis jeung garis-garisna kudu diapalkeun. Lamun salah nyieun garis atawa garisna aya nu kurang atawa aya nu leuwih, diunikeunana jeung hartina baris béda. Kecap-kecap dina basa Inggris ogé kudu diapalkeun susunan aksarana, lamun kaliru baris béda ngunikeunana sarta béda hartina deuih.

Jadi para pakar urang anu ngawanohkeun sistim global dina ngajarkeun maca basa Indonésia jeung Sunda téh, saenyana mah ngan tuturut munding bari henteu ngarti yén pasipatan unggal basa téh béda-béda. Naon anu alus jeung merenah pikeun basa Inggris, tacan tangtu merenah jeung alus pikeun basa Sunda jeung Indonésia, sanajan aksara anu digunakeunana sarua tur asalna ti sumber budaya Barat. Komo deui da pikeun ngalaksanakeun sistim global mah, barudak téh kudu dibarengan ku réa maca, hartina kudu réa buku sangkan dina waktu diajar réa papanggih jeung “runtuyan gerbong” anyar. Di nagara-nagara maju tempat para pakar téa diajar, buku geus henteu jadi masalah. Perpustakaan anu lengkep aya di tiap sakola. Béda jeung di urang. Dina taun 1960-an waktu sistim global téa mulai dilaksanakeun, buku masih jadi barang langka, sarta sakola anu bogaeun perpustakaan masih ancal-ancalan. Akibatna barudak SD nepi ka kelas 4 masih kénéh tacan lancar maca. Hartina jutaan budak jadi korban “ékspérimén” para pakar anu kabisana ngan tuturut munding.

Luyu jeung pasipatan basa Sunda, aksara Latén anu digunakeun pikeun nuliskeun basa Sunda ayeuna paling merenah diajarkeun ku sistim ngéjah cara Ed-i … di, Ew-i ….. wi, En-a ….. na, Em-o …. mo jeung saterusna.

Pangajaran maca téh tujuanana sangkan barudak bisa maca, nyaéta bisa ngunikeun runtuyan lambang anu mangrupa aksara téa jadi kecap. Bisa jadi kecapna tacan kahartieun ku budak anu macana, tapi ngahartikeun mah léngkah kadua sabada si budak bisaeun macana. Sabada terangeun kana kecapna jeung cara ngunikeunana, lamun tacan ngarti kana hartina, si budak bisa nanyakeun ka guruna, ka kolotna, ka lanceukna atawa ka babaturanana anu geus ngartieun. Lamun geus nyampak, nanyana bisa kana Kamus. Hanjakal tacan aya kamus éka-basa Sunda anu praktis keur barudak.

 

Tujuan Sakola – Dhinda Noer A

Mun ditilik mah, sabenerna tujuan sakola teh nyaeta milarian elmu pangaweruh, sangkan jadi jalmi nu cageur, bener, beleger, jeung pinter. Salian ti eta, elmu pangaweruh anu dikengingkeun teh, dipiharep tiasa janten pangarti dina kahirupan kanyataan, boh kahirupan nyalira atanapi kahirupan batur.

Tapi ras ku jaman kiwari, sigana tujuan sakola teh tos robih, sanes kangge milarian elmu pangaweruh atanapi elmu pangarti deui, tapi kangge ngengingkeun peunteun sae dina rapot atanapi ijazah, tembongkeunneun  ka kolot sareng rerencangan. Ka sakola teh mung saukur  dianggap jalan kangge ngengingkeun gelar anu sae, sanes pangarti sareng kabisa nu mangpaat. Naha bet tiasa kitu? mangga urang tilik sasarengan, seueur pisan budak sakola ayeuna anu teu jujur dina cara ngerjakeun tugas atanapi ulangan. Sanes saukur budakna hungkul, kadang kolotna oge sok maksakeun sangkan budakna kudu ngengingkeun peunteun jeung gelar nu sae, supados janten kabanggaan anjeunna keur ditembongkeun ka batur yen budakna gaduh peunteun jeung gelar nu sae.

Matak teu aneh deui, pami ayeuna seueur pisan pajabat-pajabat Nagara nu korupsi, kolusi, nepotisme jeung sajabina. Padahal pami ditilik, eta pajabat Nagara teh  jalmi anu pernah sakola ditingkat nu pang luhurna. Tah, ieu teh dumasar kana tujuan aranjeunna sakola kapungkur. Pami kapungkur tujuan anjeunna sakola kangge milarian elmu pangaweruh sareng pangarti, moal mungkin anjeunna tiasa korupsi atanapi sajabina, margi anjeunna tos gaduh pangarti yen jabatan na teh amanat ti rakyat, nu kudu dipidamel sareng dijagi ku elmu pangaweruh nu tos dikengingkeun ku anjeunna dina bangku sakola kapungkur.

Kukituna, urang salaku panerus bangsa, kedahna tiasa ngarobih kahirupan pamarentahan nu KKN siga ayeuna. Minimalna, salaku palajar urang kedah tiasa muguhkeun, yen tujuan urang sakola teh nyaeta milari elmu pangaweruh sareng pangarti nu manpaat, sangkan jadi jalmi nu berguna keur kahirupan urang sadaya.

Novilia Putri ~ Manfaat Cau

Cau mangrupakeun buah anu teu asing deui pikeun urang, abdi rasa kabeh jelema oge pernah nuang cau. taneman ieu loba ditemukeun di kebon jeung pakarangan iMargi gampil pisan ngabudidayakeunana. buah ieu sok dipikaresep ku atlit jeung pakar kasehatan sabab ngandung tilu gula alami nyaeta sukrosa, fruktosa , jeung gulkosa sarta serat anu masihkeun energi kanggo pambakaran  salami 90menit. berikut ieu manfaat cau nyaeta :

-ngaobatan tekanan darah tinggi, buah cau ngandung kalium anu tinggi ngan kadar uyah na rendah ,nepikeun bisa nurunkeun tekanan darah tinggi jeung panyakit stroke

-buah cau mampu ningkatkeun konsentrasi

-buah cau oge mampu ngobatan sembelit

-tiasa ngacegah kanggo ibu anu nuju hamil

-tiasa oge ngobatan panyakit maag jeung luka usus

-nganbantu kanggo liren ngaroko , pikeun nu hoyong liren ngaroko

jadi, euweuh salahna klamun urang ngonsumsi cau unggal poe sanajan cau teh loba manfaat na pikeun kahidupan urang.

Minyak Keletik ~ Selly

Bareto mah populerna minyak keletik. Tapi ayeuna mah eta istilah geus langka dipake, lantaran urang nyebutna sok disebut minyak kalapa wae. Pangna disebut minyak kalapa teh sabab bahan pokona tina kalapa. Tangtu moal aya anu bireuk deui, sabab minyak kalapa teh geus jadi kabutuh sapopoe, utamana pikeun nyieun kaolahan. Anu sok gawe didapur mah tangtu remen ngagunakeun minyak kalapa, hususna pikeun gurang-goreng.

Ayeuna urang ngabahas proses nyieun minyak kalapa, anu dina karirupan urang Sunda sapopoe mah hal eta teh mindeng dipigawe. Tangtu wae ku cara tradisional, tur heunteu ngagunakeun pakakas teknologi. Beda jeung anu kiwari diproses di pabrik moderen, nyieun minyak kalapa teh geus ngagunakeun mesin. Dina cara dina cara tradisional, nyieun minyak kalapa teh cukup ku ngagodog cipati, kitu anu dipigawe ku karuhun urang baheula mah. Tepi ka ayeuna oge teu robah-robah, sakumaha anu masih keneh sok dilaksanakeun ku tukang nyieunan minyak kalapa dina jaman ayeuna, najan geus langka. Ari sababna, cara cara kabaheulaan teh geus kadeseh ku industri moderen anu hasil produksina sumebar  tepi ka warung laleutik, merekna rupa-rupa, tur dikemas dihade-hade.

Padahal saenyana minyak kalapa hasil tina proses tradisonal mah leuwih seungit, teupi ka bereto mah sok di pake pikeun ngaluiskeun buuk.Lamun rek nyieun sakilogram, kalapana anu kudu diparud teh antara genep tepi ka sapuluh hulu. Eta mah gumantung kana ukuran gedena kalapa. Anu bisa diproses teh kudu kalapa anu geus mahi  umurna. Ulah anu ngora keneh, komo duwegan mah, tapi anu kolot teuing ge hasilna teh sok goreng. Cara nyieun minyak kalapa nyaeta :

1. Kalapa teh piceunan heula tapasna.
2. Saatos di piceun tapasna kalapa teh dibutik.
3. Lamun tos teu aya batokna, ti dinya teras diparud
4. Teras kalapa anu meunang marud teh diperes, diarah cipatina.
5. Atos kitu teras golakeun dina wadah, upamana dina panci atawa dina kancah (katel anu ukuranna ageung ).

Proses nyieun minyak kalapa ku cara kieu disebutna ngeletik. Pagawean kesel  ngagolakeun cipati teh, jaba seuneuna kudu ditarik.lamun ditaheurna dina hawu, biasana nu dipake suluhna bangsaning kai tareuas, ngarah seuneuna awet jeung tarik, sarta ruhakna marakbak. Lamun geus lila ngagogoplakna, ukuranana oge jam-jaman, engkena teh caina jadi saat. Anu nyesa teh minyakna. Ari geus kitu mah nya kari ditiiskeun, terus diwadahan kana botol. Sajaba ti minyak, tina tina proses ngeletik teh ngahasilkeun galendo deuih, nyaeta dedek cipati sanggeus lila ditaheur.

Galendo teh rasana pelem sari manis. Puguh wae ngeunah mun langsung didahar oge, dipake lalawuh ngopi. Lian ti eta, galendo teh sok dipake nyieun kaolahan, boh keur samara pecel boh sate kulit. Sajaba ti galendo, tina proses ngeletik teh ngahasilkeun limbah sejenna deuih, anu disebut hampas, nyaeta sanggeusna kalapa meunang marud diperes pikeun diarah cipatina. Hampasna oge dimangpaatkeun, upamana wae keur parab sasatoan (hayam, meri, embe,domba; atawa lauk di balong). Lian ti eta, hampas teh bisa dijieun dage (disebutna dage camai), keur bahan kadaharan. Eta dage teh sok dipais, disambaraan make cengek jeung bawang daun. Ari limbah tina proses mesek jeung ngabutik nyaeta batok jeung tapas. Tapasna bisa digunakeun keur bahan karajinan upamana wae keur nyieun kekesed. Sarua deuih batokna oge bisa dipake bahan nyieun karajinan, atawa dipake suluh jeung areng.

BLOG ~ Dini Hardiyanti

Blog nyaeta hiji website nu memuat tulisan sacara periodik. Blog ngagaduhan fungsi nu baragam. Mulai ti cutatan harian (diary online), nepi ka kaperluan ngadamel promosi bisnis. Di Indonesia, tos aya leuwih ti 10 juta blog anu bakal teras nambihan. Aya sababaraha jenis blog, nyaeta

1. Personal Blogger (cutatan harian)

2. Business Blogger (jalmmi nu nganggo blog kanggo promosi produkna)

3. Organizational Blogger (jalmi nu ngggo blog kanggo urusan komunitas)

4. Profesional Blogger (jalmi nu dibayar kanggo “ngeblog” alias kerja milarian artos tina blog)

Anjeun teu kedah ngaluarkeun arrtos kanggo ngadamel blog, tinggal daftar (sign up) ka Blog server. Emang aya sababaraha blog server anu kedah mayar, tapi seueurna blog server ayeuna mah bebas ti biaya alias gratis. Lamun kedah ngaluarkeun biaya oge paling biaya kanggo ka warnet atawa biaya kanggo langganan ISP. Ngadamel blog leuwih gampang dibandingkeun sareng ngadamel website, kedah meser domain, sewa hosting, teu acan deui ngadamel halaman website anu leuwih rumit deui. Tina blog oge tiasa nambihan rerencangan, tiasa ngleungitkeu stres, bisa oge kanggo milarian jodoh. Salain eta tina blog oge tiasa ngjadikeun jago nulis, jadi ‘melek IT’, jadi nambah pinter, bisa oge nambihan pahala lamun tulisanna nu bermanfaat kanggo balarea. Teras nu paling penting tiasa ngajantenkeun saha oge janten beunghar.

Seueur pisan peluang internet, seueur pisan jalmi tiasa janten beunghar, teu kedah nganggo syarat khusus. Saha oge, dengan latar belakang pendidikan sarta kondisi naon oge tiasa gaduh kasempetan nu sami. Eta hartina saha oge gaduh peluang nu sami kanggo janten sukses ti bisnis online. Tapi ti sakian jalmi nu nyobian masuk ka bisnis online, seueur pisan nu gagal sareng teu pernah aya hasilna. Alasanna nyaeta lantaran pas masuk ka bisnis online teh tanpa aya arah nu jelas teras kasasar di lebetna. Blog tiasa dimenangkeun sacara gratis. Sarta nu paling penting saha oge tiasa ngagaduhan kasempetan nu sami kanggo manendollar ti Internet.

Misteri Angka 13 ~ Talitha Nurrahma Suci

Di sakuliah dunya aya macem-macem kapercayaan, mitos, sarta legenda, anu henteu terhitung lobana. Pikeun kaum rasionalis, kapercayaan-kapercayaan jalma-jalma kolot ieu sakuduna milu mati saluyu kalayan modernisasi anu ngarambah sakumna sisi kahirupan  manusa. Tapi kitu anu lumangsung? Tétéla henteu. Di jero tatanan masarakat modern, kapercayaan-kapercayaan tahayul ieu tétéla tetep eksis sarta komo ngembang sarta ngarasuk ka dina loba sagi kahirupan masarakatna. Kapercayaan-kapercayaan ieu komo milu ngawarnaan arsitektural dayeuh sarta ogé gedong-gedong pencakar wiati.

Contona leutik, di sagala rupa gedong luhur di China, euweuh anu ngaranna lanté 13 sarta 14. Nurutkeun kapercayaan maranéhanana, kadua angka kasebut henteu mawa hoki. Di Kulon, angka 13 ogé dianggap angka apes. Kitu ogé di sagala rupa belahan dunya séjénna. Lamun urang perhatikan nomer-nomer di jero lift gedong-gedong luhur dunya, Anjeun moal manggih lanté 13. Biasana, sanggeus angka 12 mangka langsung ‘ngajleng’ ka angka 14. Atawa ti angka 12 mangka 12a tiheula anyar 14. Fenomena ieu aya di loba nagara dunya, kaasup Indonésia.

Naha angka 13 dianggap angka anu mawa kurang beruntung ? Sabenerna, kepecayaan tahayul sarta rupa-rupa mitos anu aya asalna ti kanyaho kuna ngaranna Kabbalah. Kabalah mangrupa hiji ajaran mistis kuno, anu geus dirapalkan ku Déwan Penyihir pangluhurna rezim Fir’aun anu saterusna diteruskeun ku para penyihir, pesulap, peramal, paranormal, sarta sajabana, kaleuwih ku kaum Zionis-yahudi anu saterusna mengangkatnya jadi hiji gerakan politis sarta ayeuna ieu, ajaran Kabbalah geus jadi tren anyar di golongan selebritis dunya.

Bangsa Yahudi saprak baheula mangrupa kaum anu sacara heureut miara Kabbalah. Di Marseilles, Perancis Kidul, bangsa Yahudi ieu ngabukukeun ajaran Kabbalah anu saméméhna ngan diturunkeun liwat lisan sarta sacara rerencepan. Maranéhanana ogé dipikawanoh minangka kaum anu gemar mengutak-atik angka-angka (numerologi), ku kituna maranéhanana dipikawanoh ogé minangka minangka kaum Geometrian.

Nurutkeun maranéhanana, angka 13 mangrupa salah sahiji angka suci anu ngandung sagala rupa daya magis sarta sisi religius, babarengan jeung angka 11 sarta 666. Sabab éta, dina sagala rupa simbol patali Kabbalisme, maranéhanana sok menyusupkan unsur angka 13 ka jerona. Kartu Tarot contona, éta jumlahna 13. Ogé Kartu Remi, jumlahna 13 (As, 2-9, Jack, Queen, King).

Sajaba nyisipkeun angka 13 ka dina lambang nagara (guaranana di postingan saméméhna), logo-logo pausahaan badag Amérika Sarikat ogé kitu kawas logo Mcdonalds, Arbyss, Startrek. Com, Westel, sarta sajabana. Angka 13 bisa ditempo lamun logo-logo ieu diputer sacara vertikal. Kitu ogé, markas badag Micosoft disebut minangka The Double Thirteen atawa Double-13, luyu kalayan logo Microsoft anu dijieun nyarupaan hiji jandela (Windows), padahal saéstuna éta mangrupa angka 1313.

Unikna, cacak angka 13 pabalatak dina sagala rupa rupa, bangsa Amérika rupa-rupanya ogé nganggap angka 13 minangka angka anu kudu di jauhkeun. Wangunan-wangunan luhur di Amérika arang anu ngagunakeun angka 13 minangka angka lanténa. Komo dina kandang-kandang kuda pacuan kitu ogé ayana, ti kandang nomor 12, tuluy 12a, langsung ka nomer 14. Euweuh angka 13.
Kaum Kabbalis pohara ngagungkeun angka 13, sajaba tangtu waé angka-angka séjénna kawas angka 11 sarta 666. Angka ieu dipaké dina sagala rupa ritual setan maranéhanana. Komo simbol Baphomet atawa Kapala Embé Mendez (Mendez Goat) ogé dipapaésan simbol 13. Éta pisan sababna angka 13 dianggap minangka angka apes alatan jadi bagian utama ti ritual setan.

Naha angka 13 nyaéta angka apes?????

Sedengkeun kapercayaan 13 minangka nomer apes éta timbulna ti urang Kristen, alatan Yudas nyalikan korsi anu 13 sarta manéhna ngajual Yesus pas jam 13.00. Digigireun / sabeulah éta angka kasebut aya hiji poin diluhur angka sampurna 12 atawa ngaleuwihan kakuatan penclut, mangka dgn mana otomatis baris mawa apes, ma`lum murid Yesus diwangun ti 12 jelema, suku Israél 12, siang-malam 12 jam, bulan 12, déwa Olympus 12.

Lamun numerologi Kulon melong angka 13 minangka angka apes, hal anu sarua lumaku ogé di masarakat Cina. Tapi meureun ditempo ti panempo anu béda. “Lamun dijumlah 1+3 hasilna 4. Sarta angka ‘opat’ sorangan dina basa Cina lamun diucapkan kalayan intonasi béda (sie) bisa méré 2 harti nyaéta opat sarta mati = apes!

Sarta lamun ngaran Anjeun diwangun ti 13 abjad mangka ieu kudu hati2 sabab para pembunuh sadis ngabogaan ngaran anu diwangun ti 13 abjad tempo waé: Jack the Rippe, Charles Manson, Theodore Bundy sarta Albert De Salvo.

Trikaideka-phobia , sieun ngeunaan angka 13, sakitu hébatna ku kituna lamun anjeun dahar peuting di Hotél berbintang Savoy di London, sarta pareng anjeun datang rame2 ber 13 mangka si Manager Hotél Mr Paul, baris cepat2 ngaluarkeun mascot dua ucing hideung anu didudukan di korsi husus , pikeun marengan anjeun sakalian diméja dahar! Kajeun anu dahar jadi 15, lamun henteu, “It is believed that one of the 13 diners will die within a year. Kitu wanti2 sang manager.

Sabaraha loba hotél atawa padumukan anu pantang mencantumkan angka 13 pikeun nomer lanté, kamar, atawa imah. Lotere di Itali, Perancis euweuh nomer 13 na. Kitu ogé euweuh ngaran jalan di Amérika anu ngagunakeun 13th Street atawa 13th Avenue.

Ti mana timbulna kapercayaan ieu? Disangka, Pythagoras – figur seniman, filsuf, sarta guru ti abad 6 SM, sacara teu langsung nyorong para pamiluna ngababarkeun pamahaman anyar, numerologi. Naha dikabéh Nagara Éropa maranéhanana sieun ngeunaan Poé Jumaah tgl 13? Henteu sabab di nagara-nagara Amérika Latin, di Yunani atawa di Spanyol poé “Salasa” tgl 13 nyaéta poé apes, ku kituna aya pepatah “En martes, ni te cases ni te embarques” = di poé Salasa ulah ngalakonan perkimpoian atawa lalampahan. Sedengkeun di Italy poé apesna nyaéta poé Jumaah tgl 17.

Tapi kumaha di Indonésia? Di dieu urang percaya yén angka 12 nyaéta angka apes buktina jelema mindeng ngomong ‘Cilaka 12   ″hihiii